Tökum höndum saman um að skapa samfélag þar sem allir hafa efni á að lifa með reisn, öryggi og jöfnum tækifærum.
Kæru Reykvíkingar. Ég hef lengi brunnið fyrir velferðar- og mannréttindamálum og undanfarin tólf ár hef ég leitt baráttuna sem formaður réttindafélagsins Afstöðu. Í starfi mínu á velferðarsviði Reykjavíkurborgar vinn ég daglega að málefnum viðkvæmra hópa, því þar er hjarta mitt.
Ég starfa einnig sem sérlegur sendiherra (Mental Health Ambassador) á vegum EU Promens. Með grunn í félagsráðgjöf, umbreytingastjórnun frá Yale og nú yfirstandandi meistaranám í opinberri stjórnsýslu og forystu, er ég tilbúinn til að beita reynslu minni fyrir okkur öll.
Tökum höndum saman og sköpum réttlátari borg.
Oddviti Flokks fólksins í Reykjavík
Við setjum velferðina í fyrsta sæti og ætlum að beita okkur fyrir raunverulegum breytingum í borginni.
Nú stendur yfir rafræn söfnun meðmælenda vegna borgarstjórnarkosninganna 16. maí.
Viljir þú styðja framboð Flokks fólksins í Reykjavík geturðu mælt með því inni á „mitt svæði“ á island.is með rafrænum skilríkjum.
Veldu Reykjavíkurborg og síðan Flokk fólksins af listanum inni á island.is.